Zbulohet qyteti më i sigurt në botë

Zbulohet qyteti më i sigurt në botë

Economist Intelligence Unit ka renditur 60 destinacione në të gjithë botën për sa i përket sigurisë së tyre digjitale, shëndetësore, infrastrukturës dhe sigurisë personale.

Në krye të listës është Tokio. Metropoli më i populluar në tokë fitoi me një rezultat prej 92.0 pikësh nga 100 të mundshme.

Singapori mban vendin e dytë me 91.5 pikë dhe një metropol tjetër japonez, Osaka, renditet i treti me 90.9 pikë.

Por rezultati nuk është surprizë.

Këto qytete mbanin 3 vendet e para dhe në renditjet e vitit 2015 dhe 2017.

Qytetet evropiane përfshirë Amsterdamin dhe Kopenhagen përfshihen në Top 10, duke mbajtur vendin e katërt dhe të tetë përkatësisht.

Qyteti i vetëm amerikan që arriti në Top 10 ishte kryeqyteti Washington DC,i renditur i 7-ti. Ndërsa Çikago ishte në vendin e 11-të.

Raporti i SCI mbi sigurinë e qyteteve përfshin edhe çështje të tilla si terrorizmi dhe ndryshimi i klimës.  Gjithashtu u analizuan shërbimet e emergjencës në qytete, mjetet e transportit, siguria në raste katastrofash dhe gatishmëria në rastet e sulmeve kibernetike.

Tokio kryesoi listën për sa i përket sigurisë së tij digjitale, por Singapori u vlerësua më e lartë për sigurinë e infrastrukturës dhe sigurinë personale.

Hong Kong, që mbajti numrin 9 në listë në vitin 2017, zbriti në vendin e 20 këtë vit.

Qytetet më të sigurta në botë për vitin 2019:

1. Tokyo, Japan

2. Singapore

3. Osaka, Japan

4. Amsterdam, the Netherlands

5. Sydney, Australia

6. Toronto, Canada

7. Washington DC, US

8. Copenhagen, Denmark

9. Seoul, South Korea

10. Melbourne, Australia

EMISIONET