Një krim i rëndë në familje është shënuar sot në Selenicë të Vlorës. Kushëriri ka goditur me sëpatë në kokë kushëririn e tij duke i shkaktuar vdekjen.

Viktima Arben Veshaj është gjetur rreth 500 metra larg banesës së tij në fshatin Gumenicë.

Policia informon se ka mundur të arrestojë në kohë rekord autorin  Dilaver Veshaj, 40 vjeç, banues po në fshatin Gumenicë

Policia e Vlores informon: "Nga veprimet hetimore paraprake dyshohet se të dy shtetasit janë konfliktuar me njëri-tjetrin për motive të dobëta, dhe më pas autori Dilaver Veshaj e ka goditur disa herë në kokë me mjet prerës (sëpatë), shtetasin A.V., i cili për pasojë ka ndëruar jetë.

Sherri për qentë

Sipas xhaxhait të viktimës, Sotir Veshaj, autori e ka vrarë 37 vjeçarin sepse i ka gjuajtur qenve të tij me shkop për tu vetëmbrojtur. 40 vjeçari filimisht e ka qëlluar e armë dhe më pas me e ka goditur me sëpatë

Autori dhe viktima ishin barinj. 

Në momentin e arrestimit 40 vjeçari ka qenë shumë i tronditur dhe mësohet të ketë deklaruar në polici: E vrava se donte të më vriste--por pa dhënë të tjera shpjegime rreth asaj çfare ndodhi.

Menjëherë pas krimit Dilaver Vishaj është larguar por arratia e tij ka zgjatur vetëm pak kohë pasi policia e ka arrestuar. 

/Ora News.tv/