Në Vlorë sekuestrohen 500 kg kanabis, në Fier kapet gomonia
Më shumë se gjysmë toni drogë dhe një gomone janë sekuestruar sot (20 qershor) në brigjet e Vlorës dhe Fierit, ndërsa një tjetër mjet lundrues i dyshuar se do të përdorej për trafik lëndësh narkotike është në ndjekje në det të hapur.
Lënda narkotike, që sipas burimeve shkon në rreth 500 kilogram u gjet pranë Gjirit të Bristanit në Gadishullin e Karaburunit gati për tu trafikuar.
Droga u zbulua ndërsa forcat e Policisë kufitare ata të Delta Forcë dhe Guardi Di Finanza ishin në një operacion të nisur prej mbrëmjes së djeshme që u finalizua me sekuestrimin e një gomoneje 12 metra të gjatë në brigjet e Darzezës në Fier, por ku skafistët arritën të arratisen.
Edhe në rastin e Vlorës, trafikatët të paktën për momentin janë të lirë. Ata kanë evidentuar afrimin e forcave të policisë dhe janë nisur në det të hapur sipas burimeve ku ende vijon ndjekja.
Droga ne Fier
Policia ende nuk ka dalë në deklarata zytare për drogën e Vlorës dhe gomonen e kapur në Fier, por burimet thonë se nuk përjashtohet mundësia që rastet të kenë lidhje.
Gomonia 12 metra që u sekuestrua mbrëmjen e së martës në Darzezë dyshohet se erdhi nga Italia për tu ngarkuar në brigjet shqiptare.
Por pasi u evidentua në radarë dhe u vu në ndjekje, për disa orë trafikantët dyshohet se braktisën aty për të humbur gjurmët e destinacionit të vërtetë
Ndaj forcat e Anti drogës dhe ata të Ndërhyrjes së Shpejtë gjatë gjithë natës kanë kontrolluar deri në orët e para të mëngjiesit territorin përreth zonës ku u braktis gomonia, por ende nuk ka informacion nësë kanë rënë në gjurmët e skafistëve
Dyshimet janë se gomonia mund të jetë e paregjistruar. Por verifikime ndërkohë po bëhen edhe me palën italiane, nga ku dyshohet se ishte nisur mjeti i fuqishëm lundrues
Pak kohë më parë një gomone me gjatësi prej 12 metrash u sekuestrua në zonën e Darzëzës në Fier në kuadër të një operacioni të Policisë së SHtetit ku u zbulua një laborator në ndërtim për kultivimin e bimëve narkotike në tokat në pronësi të shtetasit Vladimir Çilotaj që tashmë është në kërkim.