Vjeshta është stina e alergjive. Mjekët alergologë thonë se këto sëmundje janë në rritje ndërsa çdo ditë përballen me mbi 20 raste.

Mirela Hitaj, alergologe:Trendi është gjithmonë në rritje. Dihet që në periudhën e vjeshtës kemi polenet e shkurreve të cilat në këtë periudhë kanë atë pikun e tyre dhe kjo është një nga shkaqet që mund të shtojë sëmundjet alergjike. Janë sporet e mykut të cilat predominojnë në periudhën e vjeshtës, janë edhe pluhurat e shtëpisë siç i quajmë në gjuhën popullore, të cilat në këtë periudhë ato kanë shumë favor për t’u zhvilluar”.  

Të gjithë janë të predispozuar por më të ndjeshëm ndaj alergjive janë fëmijët. Mjekja Mirela Hitaj shpjegon simptomat dhe rastet kur duhet të drejtohemi te mjeku.

Mirela Hitaj, alergologe: “Nëqoftëse një pacient fillon me bllokim të hundëve, me të tështitura, me rrjedhje të hundëve, me kruajtje të syve, me një kollë të thatë të vazhdueshme e cila vazhdon për më shumë se gati një javë, 3-4 ditë ose më shumë atëherë neve duhet të na shkojë mendja se nuk është vetëm një virozë e thjeshtë por është një problem alergjik”.

Një ndër shkaqet kryesore të alergjisë është ndotja ndaj mjekët apelojnë një jetë sa më pranë natyrës dhe larg zonave industriale. Po ashtu këshillojnë që mjekimi për kurimin e këtyre sëmundjeve të merret vetëm me rekomandim të ekspertëve të shëndetit.

/Ora News.tv/