U kapën me 4 mln euro kokainë dhe 230 mijë euro “cash”, dënohen vëllezërit shqiptarë

U kapën me 4 mln euro kokainë dhe 230 mijë euro

Dy vëllezër shqiptarë u kapën marsin e kaluar me një sasi të madhe droge të fshehur në shtëpinë e tyre në Inverigo.

 Në pranga përfunduan Qazim dhe Adi Norja, të cilët janë dënuar me nga 9 vite burg, proces që është zhvilluar me gjykim të shkurtuar nga gjyqtarja Maria Luisa Lo Gatto në Como.

Operacioni që çoi në arrestimin e dy vëllezërve u krye nga Guardia di Finanza, e cila zbuloi 32 kg kokainë me vlerë 4 mln euro.

Mediat italiane shkruajnë se dy shqiptarët me sa duket ishin korrierët që do të transportonin drogën në Evropën veriore. Policia gjeti gjithashtu edhe 230 mijë euro para të gatshme.

Kokaina ishte e ndarë në 29 paketime me mbishkrimin “Duce”.


EMISIONET