Tre fëmijë të prekur nga fruthi në spitalin e Lezhës

Tre fëmijë të prekur nga fruthi në spitalin e Lezhës

Edhe në qarkun e Lezhës,epidemia e fruthit ka prekur 3 fëmijë. Sipas pediatrit Mark Marku, situata paraqitet e rënduar, ku rastet janë më të dukshme se një vit më parë. Ndërsa thekson se më të riskuar ndaj kësaj sëmundje janë të vegjlit që vijnë në jetë nga nëna të pavaksinuara. Marku, ka sqaruar se fëmijët e prekur janë izoluar menjëherë dhe janë përballuar me sukses nga ana e stafit mjekësor.

Epidemia e fruthit, prek 3 fëmijë në qarkun e Lezhës. Të dhënat janë bërë publike nga bluzat e bardha në spitalin rajonal, të cilët thonë se personat e prekur janë izoluar menjëherë në një dhomë të veçantë në ambientet e spitalit.

Sipas mjekut pediater Mark Marku fëmijet të cilët nuk janë vaksinuar janë të rriskuar të preken nga fruthi. Ai thotë se fëmijët që paraqesin komplikacione të tilla duhet të izolohen nga familjaret për të parandaluar përhapjen e sëmundjes.

Mark Marku: Fëmijët që kanë këto infeksione duhet të izolohen nga familjet në shtëpi.

Bluzat e bardha në spitalin e Lezhës janë vënë në gatishmëri për të përballuar me sukses rastet e personave të prekur nga fruthi, por edhe nga virozat gripale gjatë kësaj periudhe.

EMISIONET