Tragjedia në Itali, shkon në 632 numri i të evakuarëve
Numri i personave të evakuar është rritur nga 440 në 632 për shkak të rrëzimit të urës Morandi në Xhenova.
Personat e zhvendosur jetojnë afër zonës së urës së shembur.
Ndërsa shtëpitë nën urë nuk mund të shpëtohen.
Kryebashkiaku i Xhenovas, Marco Bucci tha se do të kujdesen për të evakuarit dhe se prioriteti i tyre është që qytetarët të kenë një shtëpi të re.
Autoritetet italiane informojnë për 39 viktima të identifikuara e 16 të plagosur rëndë.
Mes viktimave janë 2 shqiptarë dhe 3 fëmijë. 4 persona janë nxjerrë të gjallë nga gërmadhat e urës.
Ekipet e kërkim shpëtimit vazhdojnë të punojnë nën gërmadhat e urës për gjetjen e personave që ende rezultojnë të zhdukur.