Tragjedi në një disko në Itali, 6 të vdekur, mbi 100 të plagosur
Një tragjedi ka ndodhur në një disko në Akona të Italisë pak pas mesnatës së të premtes.
Të paktën 6 persona kanë humbur jetën dhe mbi 100 të tjerë kanë mbetur të plagosur, pasi u shtypën nga turma të mëdha të njerëzish që po vraponin të dilnin nga klubi i natës.
Nga informacionet paraprake raportohet se njerëzit kanë nisur të dalin me vrap nga disko pasi u hodh një spray në ajër.
12 të rinj raportohet të jenë në gjendje të rëndë për jetën.
Tragjedia ndodhi rreth orës 01:00 në klubin e natës 'Lanterna azzurra' në Corinaldo, Madonna del Piano.
Viktima të tragjedisë ishin 5 djem të mitur dhe një nënë, e cila shkoi në disko për të shoqëruar vajzën e saj, raporton ANSA.
Në disko mendohet se ishin rreth 1 mijë persona dhe pritej të fillonte koncerti i Sphere Ebbasta.
Të plagosurit thonë se dalja e emergjencës ishte e mbyllur.
"Ne po kërcenim dhe po prisnim të fillonte koncerti i Sphere Ebbasta, kur ndjemë një erë. Vrapuam për tek daljet e emergjencës por i gjetëm të mbyllura,"-raportoi një 16 vjeçar, që u plagos nga turma. "Njëri vdiq pasi u shtyp nga të gjithë."
Adoleshenti u transportua së bashku me të dashurën e tij, të të njëjtës moshë, në spitalin Torrette di Ancona.
Të plagosurit janë shpërndarë në spitalet e Torrette in Ancona, Senigallia dhe Jesi.
Policia po heton ngjarjen.
#Corinaldo (AN) #8dic, nella clip il drammatico intervento dei #vigilidelfuoco nella discoteca dove hanno perso la vita sei giovanissimi pic.twitter.com/b9xjMiWp1k
— Vigili del Fuoco (@emergenzavvf) December 8, 2018