Tiranë, gruaja tenton të kalojë rrugën, makina e përplas për vdekje
Një 68-vjeçare është aksidentuar për vdekje mbrëmjen e sotme. Ngjarja ka ndodhur në zonën e mbikalimit të Rinasit, ku 25-vjeçari Elton Deda nga Mamurrasi duke drejtuar mjetin aksidentoi kalimtaren me iniciale R.L
“Drejtuesi i mjetit e ka transportuar vetë në spital shtetasen R.L, por në spital ka ndërruar jetë.Nga hetimet paraprake dyshohet se shtetësja R.L, ka tentuar të kalojë nga njëra anë e rruges në tjetrën, ku si pasojë e lagështise në rrugë dhe errësirës është goditur nga automjeti”, sqaroi policia.
Drejtuesi i automjetit ka njoftuar Policinë dhe menjëhere është kthyer në vendngjarje, ku janë duke u kryer veprimet me grupin hetimor për zbardhjen e plotë të shkaqeve të aksidentit.
Drejtuesi i mjetit do të shoqërohet në polici për veprime te mëtejshme.