Vlorë, shkëmbim zjarri mes dy makinave në lagjen "24 Maji"
Nga OraNews Përditësimi i fundit 27 Janar 2018, 14:20
Shkëmbim zjarri mes dy makinave në lëvizje u regjistrua këtë të shtunë në lagjen "24 Maji" në Vlorë.
Sipas informacioneve të para mësohet se persona ende të paidentifikuar që po lëviznin me makina kanë qëlluar në drejtim të njëri tjetrit.
Mësohet se njëra prej makinave ka qenë një citroen i bardhë
Policia ka rrethuar zonën në të cilën ka pasur vetëm xhama të thyer.
Ngjarja shkaktoi panik mes banorëve të zonës dhe kalimtarëve të shumtë që ishin në zonë në kohën e ngjarjes