Serbia nuk do ta njohë pavarësinë e Kosovës, do të mbështesë plotësisht pjesëmarrjen e serbëve në punën e institucioneve të përkohshme në Prishtinë, do të kundërshtojë formimin e Ushtrisë së Kosovës dhe do të vazhdojë bashkëpunimin e saj me NATO si një vend ushtarak neutral.

Këto janë pjesët më të rëndësishme të Draft Strategjisë së Sigurisë Kombëtare dhe Draftit të Strategjisë së Mbrojtjes të publikuar nga Ministria e Mbrojtjes dhe për të cilën debati publik është duke u mbajtur nga e premtja deri më 15 maj, transmeton KosovaPress.

Pjesëmarrësit në këtë diskutim janë përfaqësuesit e organeve shtetërore, publiku profesional, si dhe të gjithë të interesuarit dhe tekstet e të dy drafteve do të publikohen në tryeza të rrumbullakëta dhe në diskutimet e ekspertëve në Novi Sad, Nish dhe Beograd.

Analisti ushtarak Bojan Dimitrijeviç mori pjesë në hartimin e dy strategjive 14 vjet më parë, kështu që ai vuri re vetëm një ndryshim të rëndësishëm nga ajo kohë.

“Këto janë dokumente shumë konservatore në të cilat shteti jep një pasqyrë themelore të situatës së sigurisë dhe vlerësimit të rreziqeve të sigurisë. Krahasuar me vitin 2004, sfidat në rajon vlerësohen në mënyrë të barabartë, ndërsa Serbia po lëviz më qartë drejt integrimit në NATO, ndërsa që nga viti 2008 shpallja e njëanshme e pavarësisë së Kosovës, dominon neutraliteti ushtarak”, tha Dimitrijeviç.

Sipas tij, pavarësisht nga fakti se këto janë dokumente ombrellë të definuara qartë, këto strategji nuk duhet të jenë të detyrueshme për kreun politik.

“Gjatë dy dekadave të fundit janë shfaqur rreziqe dhe sfida të reja të paparashikuara të sigurisë, dhe në përputhje me rrethanat, këto strategji janë subjekt i ndryshimeve. Prandaj, në këto dokumente, Serbia shpreh pikëpamje krejtësisht parimore, të tilla si pothuajse të gjitha vendet në botë. Vetëm Shtetet e Bashkuara të Amerikës dhe deri diku Gjermania në këto strategji shprehin pikëpamje të hapura. Këto strategji duhet të jenë të detyrueshme për burrështetasit, por nuk janë në praktikë”, shpjegon Dimitrijeviç.

/Ora News.tv/