Stafi mjekësor shqiptar mbërrin në Itali, priten nga ministri Luigi Di Maio
30 mjekët dhe infermierët shqiptarë kanë mbërritur në Itali. Stafi mjekësor nga Shqipëria u pritën nga ministri i Jashtëm i Italisë, Luigi Di Maio.
"Dua të falenderoj kryeministrin e Shqipërisë, Edi Rama, qeverinë e tij dhe popullin shqiptar për këtë solidaritet ", tha Di Maio sapo u përshëndet me ekipin mjekësor.
30 mjekë dhe infermierë do të japin kontributin e tyre për trajtimin e pacientëve në luftën kundër COVID-19.
Ekipi mjekësor shqiptar do të vendoset në një spital në veri të Italisë për trajtimin e pacientëve me COVID-19.