Sizmologu Rrapo Ormëni i ftuar në emisionin “360gradë” në televizionin Ora, tha se po bashkëpunohet me qendra sizmike gjermane.

Ai ka pohuar se po hidhen hapa konkretë pas tërmetit të 26 nëntorit.

Rrapo Ormëni: Ne po bëjmë edhe sot bashkëpunim me të huaj, por organizojmë edhe nga fakulteti i Ndërtimit, edhe nga Instituti i Gjeoshkencave, edhe konferenca, edhe kongrese, që janë për sizmologjinë. Njëkohësisht jemi në bashkëpunim me Potsdamin, qendra sizmike gjermane, e cila ka prurë në Shqipëri një rrjet portabël, që është vendosur në gjithë zonët ku ka rënë tërmeti i Durrësit, në mënyrë që të studiojë një numër të madh sizmometrash portabël, për të studiuar këtë zonë, për të studiuar efektet që pati ky tërmet, për të studiuar se çfarë përfaqëson kjo thyerje, njëkohësisht për ta monitoruar atë në brendësi, për të parë si është struktura e saj. Janë hedhur hapa konkretë pas këtij tërmeti, për të krijuar harta të reja sizmike. 


/Ora News.tv/