Shkollat në Tiranë pa masa për koronavirusin, nxënësit ankohen për higjienën
Disa shkolla në kryeqytet duket se nuk kanë marra masa për parandalimin e koronavirusit. Tualetet kryesisht kanë probleme me higjienën. Në to herë ka e herë nuk ka ujë, deklarojnë nxënësit.
"Vjen shumë erë e keqe"
"E kam gjetur pis tualetin dhe të palarë"
"Banjot e çunave janë si mos më keq"
Jashtë kamerave prindërit shprehen se higjiena ka qenëi përhershëm, por frika nga koronavirusi i ka detyruar të pastrojnë më shumë.
"Sic thonë kalamajtë, këto ditë kanë filluar i pastrojnë"
Ndërkohë që kryebashkiaku Erion Veliaj propagandon në rrjetet sociale për masa të marra për parandalimin e koronavirusit, nxënësit thonë të kundërtën duke i drejtuar Veliajt një kërkesë të qartë.
"Dua të bëj një kërkesë nga bashkia, duam të kemi banka të pastra, banja të pastra dhe të kemi gjithcka në shkollë"
Në oborret e shkollave ka gjithashtu papastërti. Fare pranë tyre në shkollën 9-vjecare në Yzberisht qëndrojnë koshat e plehrave që nuk pastrohen rregullisht, duke u bërë kështu një rrezik potencial për përhapjen e infeksioneve të ndryshme.