Sekuestrohen rreth 23 mijë euro në Rinas
Policia kufitare e Rinasit ka proceduar penalisht një 55 vjeçar, nën akuzën e mosdeklarimit të të hollave në kufi.
Të proceduarit iu gjetën dhe sekuestruan 23.250 euro.
“Gjatë kontrollit në vijën e dytë të shtetasit H.LL, 55 vjeç, i cili do të udhëtonte për jashtë vendit, shërbimet e Policisë Kufitare i gjetën këtij shtetasi të fshehura në trup 23.250 euro të padeklaruara në doganën e Rinasit, të cilat u sekuestruan në cilësinë e provës material”,- njofton policia.
Në përfundim të veprimeve, materialet do ti kalojnë për veprime të mëtejshme Prokurorisë për veprën penale "Mosdeklarimi në kufi i të hollave dhe i sendeve me vlerë".