Seanca për Klevis Balliun, Basha: Prokuroria palë me vjedhjen, po përndjek qytetarët

Seanca për Klevis Balliun, Basha: Prokuroria palë me vjedhjen, po

Kryedemokrati Lulzim Basha e akuzoi Prokurorinë si “palë me vjedhjen”, që sipas tij nuk po ndëshkon hajdutët e aferës së Unazës së Re. Basha reagoi në rrjetet sociale, pasi të mërkurën u shty seanca ndaj ish-deputetit Klevis Balliu. Kreu i PD thotë se Prokuroria po përndjek dhe merr të pandehur qytetarët me një akt politik, pasi ata kundërshtojnë hajdutërinë e Edi Ramës.

Lulzim Basha: Prokuroria e kapur dhe e bërë palë me vjedhjen, nuk heton dhe ndëshkon hajdutët e 40 milion eurove në aferën e Unazës së Re, por përndjek dhe merr të pandehur qytetarët që protestojnë kundër hajdutërisë dhe babëzisë së qeveritarëve të korruptuar.

Marrja si të pandehur nga prokuroria e përfaqësuesit të opozitës Klevis Balliu dhe të qytetarëve Seit Hajderasi, Lulzim Maqinaj, Ilir Katiraj dhe Elton Skënderaj pse protestojnë për të mbrojtur shtëpitë dhe fëmijët e tyre, është akt politik, për të frikësuar qytetarët që kundërshtojnë arbitraritetin dhe hajdutërinë e Edi Ramës.

Në emër të Partisë Demokratike dua të bëj të qartë se 30 vjet pas rrëzimit të diktaturës nuk ka prokurori politike që mund të ndalë qytetarët e lirë të protestojnë ndaj korrupsionit dhe dhunës qeveritare. Nuk ka prokuror apo gjykatës të korruptuar që mund të frikësojë opozitën të jetë përkrahë qytetarëve dhe të denoncojë aferat kriminale e korruptive të Edi Ramës dhe ministrave të tij.

Akte të tilla dëshmojnë sesa e drejtë dhe jetike është beteja jonë me korrupsionin dhe krimin e organizuar. Denoncimi dhe reagimi ndaj korrupsionit, lidhjeve të krimit të organizuar me Edi Ramën dhe regjimin e shërbëtorëve të tij, nuk ka për t’u ndalur!

EMISIONET