Megjithëse  kryebashkiaku Erion Veliaj u kthye triumfues nga Franca duke marr çmimin për Tiranën si kryeqyteti europian për të rinjtë , vet të rinjtë  shprehen se Tirana nuk e meriton këtë çmim.

Sipas tyre bashkia nuk i ka adresuar si duhet problemet e tyre.

“Tirana nuk është për të rinjtë. Është gjithcka shumë shtrenjtë, nuk ka aktivitete për të rinjtë vec klabeve.”

Ndërkohë që Tirana shpallet kryeqyteti i rinisë për vitin 2022, anketa kombëtare “rinia në Shqipëri 2019” e ngel në klasë Bashkinë e Tiranës.  Shifrat tregojnë se 91% e të anketuarve deklarojnë se bashkia e Tiranës nuk ka punuar mjaftueshëm për të rinjtë.

Në European youth Capital Tirana konkuronte me asnjë kryeqytet europian, por me qytete të thjeshta.

Përfaqësues të shoqërisë civile vënë në pikëpyetje transparencën e kësaj gare.

Klaudio Pulaha: Një proces jo transparent.  Nuk e di cfarë aktivitetesh përmban aplikimi

Bashkia e Tiranës u shpall kryeqytet në varësi të projekteve të aktiviteteve të paraqitura për vitin 2022 dhe jo për ato që Tirana ka bërë apo nuk ka bërë deri tani, por deri atëherë nuk dihet fati i realizimit të tyre.

/Ora News.tv/