Ish-kryeministri italian Silvio Berlusconi duket i vendosur për një rikthim në politikë, pasi fitores së koalicionit që ai mbështet në zgjedhjet rajonale në Siçili. Rezultati i shtohet entuziazmit në aleancën e sapokrijuar të qendrës së djathtë, ku partia Forza Italia e Berlusconit është bashkuar me partitë e krahut të djathtë Lega Nord dhe Fratelli d’Italia.

Votimi në ishullin italian të Siçilisë shihej si një test kryesor për koalicionin, përpara zgjedhjeve të përgjithshme që do të mbahen vitin e ardhshëm. Karriera e biznesmenit miliarder 81-vjeçar është trazuar nga skandalet si brenda ashtu edhe jashtë qeverisë. 4 herë kryeministri i Italisë i ka munguar skenës politike që kur ai u përjashtua nga parlamenti 4 vite më parë, pasi u dënua për mashtrim në taksa.

Zoti Berlusconi do të kërkojë rrëzimin e urdhrit që i ndalon marrjen e një posti publik përpara zgjedhjeve që do të mbahen pranverën e ardhshme. Gjykata Europiane e të Drejtave të Njeriut pritet të shqyrtojë rastin e ish-kryeministrit Berlusconi.

/Oranews.tv/


/Ora News.tv/