Rekordmenja në 800, 1500 dhe 3000 metra, Luiza Gega është shprehur mjaft e indinjuar për kushtet stërvitore në Shqipëri. E ftuar në "Fair Play nga Enkeleida Zeko", Gega ka zbuluar se Tirana është kryeqyteti i vetëm në botë që nuk ka një pistë vrapimi. Ndërsa ka treguar se mungesa e pistave shpesh herë e ka shtyrë drejt largimit nga sporti.

"Mos të kemi të paktën një pistë vrapimi këtu në Tiranë, jo vetëm unë. Nëse do të presim një të ardhme të atletikës, të them të drejtën atletika po shkon drejt ... ka marrë dishezën. Jemi unë dhe Izmiri (Smajlaj) për momentin. Terrenet sportive janë baza për sportin. Nëse nuk ke ato ... Çdo sport ka specifikat e veta. Jemi i vetmi kryeqytet në botë, e them me bindje të plotë që nuk kemi një pistë atletike. Pra Tirana ka tani 1/3 e popullsisë dhe të mos ketë një pistë vrapimi dhe ku aktualisht se dy sportistët që ka aktualisht Shqipëria jetojnë në Tiranë. I kemi shumë të vështira arritjet e objektivave të stërvitjes. Kur ti del e dyta në Evropë dhe e para në Mesdhe dhe kur nuk ke një mbështetje, ti demotivohesh. Shpesh herë mendon ta lësh sportin, por kjo është gjëja më e lehtë që mund të bëjmë. "-deklaroi atletja.




/Ora News.tv/