Ish-kreu i Emergjencave Civile, Shemsi Prenci, e ka konsideruar vrasje shtetërore, tragjedinë në Thumanë.

I ftuar në emisionin “360 gradë” Prençi zbuloi se pallatit në Thumanë, nën gërmadhat e të cilit humbën jetën 9 persona, ishte shpallur i pabanueshëm, por nuk i ishte vënë shiriti ndalohet banimi.

Prenci: Pas tërmetit të datës 21 shtator është thënë se ne do të bëjmë një kqyrtje, një ekspertizë të gjithë dëmtimeve dhe do dalim me shiritat dhe parrullat, ndalohet banimi.

E dini ju që pallati i Thumanës, nën gërmadhat e të cilit kanë ngelur 9 jetë njerëzish, ishte shpallur i pabanueshëm, por nuk janë vënë shiritat, nuk janë vënë tabelat ndalohet banimi.

Për rrjedhojë kjo është vrasje. Është vrasje e strukturave me ligj, për ti bërë prishjet.

E dyta. Pas tërmetit të datës 21, është dhënë leja e ndërtimit për dy pallate 9 katëshe në kënetën e Lezhës. Jo rrëzë shkëmbinjve, por në kënetë.


/Ora News.tv/