Policia çeke, patrullime në Shqipëri gjatë sezonit turistik
Pas policisë së Kosovës, edhe policia çeke pritet të nisë patrullime në Shqipëri gjatë sezonit turistik. Lajmi është bërë i ditur nga Ministri i Brendshëm, Sandër Lleshaj, gjatë një vizite zyrtare në Çeki. Sipas Ministrisë së Brendshme autoritetet çeke kanë dhënë garanci për bashkëpunim me policinë shqiptare në disa sektorë.
Pas Kosovës, edhe policia e çeke pritet të nisë patrullimet e përbashkëta me policinë shqiptare gjatë sezonit turistik.
Kjo është bërë e ditur nga Ministri i Brendshëm, Sandër Lleshaj, në një vizitë zyrtare në Çeki ku ka takuar homologun Hamàček.
Dy ministrat e Brendshëm nënshkruan një memorandum për mbështetje të autoriteteve shqiptare në luftën kundër krimit kompjuterik, dhe mbështetje për policinë shkencore.
Lleshaj: Konstatuam me kënaqësi që niveli i marrdhënieve në fushën e sigurisë është shumë i mirë, perspektiva e zhvillimit të tyre është po aq e rëndësishme dhe e mirë. Diskutuam lidhur me projekte të ndryshme, të cilat do të zhvillohen në një të ardhme të afërt. Këto projekte kanë të bëjnë me sigurinë rrugore, me Policinë Shkencore, patrullimin e përbashkët të policëve shqiptarë dhe çek në Shqipëri gjatë sezonit turistik, si dhe diskutuam shumë çështje të tjera.
Ministria e Brendshme në një deklaratë zyrtare deklaron se Çekia mbështet hapjen e negociatave për Shqipërinë dhe Maqedoninë e Veriut, teksa ka lobuar tek vendet skeptike, në favor të një vendimi pozitiv për Shqipërinë pa asnjë kusht.