Pas publikimit të rastit nga Ora News, shpresë për familjen Muka që po kalon netët në çadër

Ky është realiteti në familjen e Qani Mukës të shtunën e 7 dhjetorit ku si shumë familje të tjera mbeti e pastrehë.

Edhe sot pas tre ditësh kjo familje vijon të jetojë në këtë çadër të ngritur në oborrin e shtëpisë së vet.

Shteti vijon të mos dëgjojë zërin e disa familjeve që ende vuajnë në çadër pasojat e tërmetit por jo Organizata Fundjavë Ndryshe.

"Pasi pamë rastin te Ora News vendosëm të ndihmonim me ushqime të gatshme, me rroba, me batanije, për t'ua lehtësuar sadopak dhimbjen dhe hallin që keni".

"Jam i gëzuar që keni ardhur, na lehtësoni pak dhimbjen që kemi dhe nuk na hiqet nga sytë. Shumë faleminderit."

"Do të mundohemi të bëjmë një shtëpi që familja të fusë kokën dhe të jetë një strehë e gatshme për të."

Prej asaj dite shumë familje kanë mbetur të pastreha edhe pse vijo9n puna për akomodimin në banesa sociale si dhe mbledhjes së fondeve për ndërtimin e apartamenteve.

"Ditën kalohet, po natën ai që e ka provuar."


EMISIONET