Pamja "jo romantike" e qytetit të dashurisë, 1.5 mln euro nuk kryen punë

Pamja "jo romantike" e qytetit të dashurisë, 1.5 mln euro

Kryeqyteti francez mund të konsiderohet si qyteti më romantikë në botë, por ai ka edhe një problem tejet të madh, atë të minjve. Qyteti është i mbushur plot me brejtës dhe kjo video e "Le Parisien" në një kapanon të mbushur plot me minj është vetëm një nga dëshmitë e shumta të jetës "nëntokësore" të qytetit.

Personi që filmoi videon thotë se minjtë kanë sulmuar edhe kolegët e tij që merren me pastrimin e qytetit.

Video, e filmuar në dhjetor 2017 në brigjet e lumit Seine midis Musee d'Orsay dhe Pont Royal, tregojnë një anë shumë më pak romantike në qytetin e dashurisë.

Në pamje, një tufë e madhe me minj po përpiqen për të shtypur njëri-tjetrin për grumbullimin e ushqimit.

Ajo që mund të jetë edhe më alarmante është se kjo nuk është një vend i pazakontë në kryeqytet, por një realitet i ashpër "për parisienët dhe turistët, të cilët vijnë për të vizituar qytetin më të bukur në botë", tha kolektori i mbeturinave është i mbushur plot me minj.

"Për një vit, ka pasur një përhapje të minjve në të gjitha zonat që kufizohen me Seine", tha ai për Le Parisien. Minjtë e filmuar në kazan janë djegur.

Mbledhësit e plehrave po i bëjnë thirrje qytetit që të "marrë masat për të zhdukur problemin".

Autoritetet e qytetit thonë se ata janë të vetëdijshëm për problemin dhe pranuan se po shohin "gjithnjë e më shumë minj në vende publike", raporton Le Parisien. Mao Peninou, nënkryetari i bashkisë, i ngarkuar për pastërtinë, tha se bashkia e qytetit ka ndarë 1.5 milionë euro për të luftuar dëmtuesit në shtatorin e kaluar dhe ka kryer disa operacione në terren.

EMISIONET