Koronavirusi nuk do largohet kurrë, ai thjesht mund të bëhet si viruset e tejra që vrasin njerëz nëpër botë çdo vit, është shprehur Dr. Mike Ryan, drejtori ekzekutiv i programit të Emergjencave Shëndetësore të Organizatës Botërore të Shëndetit.

"Koronavirusi mund të bëhet një virus endemik në komunitetet tona dhe mund të mos ikë kurrë njësoj si HIV”, tha Ryan.

"Unë nuk po krahasoj këto dy sëmundjet, por mendoj se është e rëndësishme që ne të jemi realist. Unë nuk mendoj se ka ndonjë që mund të parashikojë nëse kjo sëmundje do zhduket apo jo”, shtoi Ryan.

“Me një vaksinë, ne mund të ndihmojmë në eliminimin e këtij virusi, por që vaksina të jetë e disponueshme, do të duhet të jetë shumë e efektshme dhe do të duhet të vihet në dispozicion të të gjithëve. Kjo sëmundje mund të shndërrohet në një problem afatgjatë”, tha Ryan.

/Ora News.tv/