Njihuni me gruan e parë që do të fitojë garën Formula 1

Alice Powell është një pilote garash, 26 vjece, e cila dëshiron të jetë femra e parë që fiton Formula 1. Në një intervistë për “The Sun”, ajo rrëfeu se si lindi pasioni për makinat dhe garat.

"Adrenalina, unë fitova në Go-Kart (lojë me gara) në shpejtësi të rrezikshme. Kur isha vetëm nëntë vjeçe, isha e vendosur të fitoj pasi kisha dëgjuar një njeri që i thoshte djalit të tij se ai nuk mund të rrihej nga një vajzë”, tha ajo.

Gjatë gjithë jetës, Alice ka patur vetëm një aksident, i cili nuk i rrezikoi jetën e as pasionin për të garuar.

“Fatmirësisht, unë pësova vetëm një aksident, kur isha 14 vjeçe dhe përfundova në spital. Lëndova qafën, por nuk ishte dëm serioz.

Pas pranimit në serinë e Michelin Ginetta Junior Championship, unë shpejt kalova në gara me makina sportive deri në 110mph shpejtësi dhe fitova çmime.

Kur isha 17 vjeçe, u bëra femra e parë dhe shoferja më e re që fitoi Formula Renault Race në Britaninë e Madhe në një veturë të vetme me shpejtësi deri në 140 mph”, rrëfeu Alice.

Mbështetja financiare ishte e vështirë, por në mars të këtij viti, ylli i F1, David Coulthard vendosi ta financonte privatisht. Qëllimi i tij ishte të vendosej për herë të parë në podiumin e Formula 1.

“Nuk mund ta besoja kur thanë se unë do të isha zgjedhur me 17 shoferët e tjerë femra nga e gjithë bota. Gara jonë e parë ishte në Gjermani në maj, ku dola e dyta. Pastaj disa javë më vonë, kam fituar një vend tjetër në podium në Belgjikë, ku u rendita e treta.

Tani kemi vetëm tre gara më shumë para finales së kampionatit në gusht në Brands Hatch në Kent”, tha Alice.

Por kjo nuk i mjafton. Ajo do të punojë fort që të arrijë në podiumin e F1 dhe ka mbështetje maksimale prej të fejuarit James.

EMISIONET