Nesër prezantimi i Kryeprokurorit të ri Olsian Çela
Nesër do të bëhet prezantimi i Prokurorit të ri të Përgjithshëm, Olsian Çela.
Prezantimi i tij do bëhet në orën 09:00.
Çela u votua nga Kuvendi i Shqipërisë me 101 vota pro si kreu i ri të akuzës shqiptare. Pasi ka bërë betimin në kushtetutë kreu i akuzës është marrë në mbrojtje të gardës.
Ndërsa Prokurorja, e cila qëndroi për dy vite në detyrë mori 11 vota pro dhe sfidantja e tretë Fatjona Memçaj 8 vota.
Zgjedhja e prokurorit të ri erdhi pas një sërë procedurash të kryera nga Këshilli i Lartë i Prokurorisë, i cili pas intervistimeve të bëra ne seance publike u rendit i pari nga tre kandidatët që kandiduan për postin e kryeprokurorit.
Çela do të qëndrojë në detyre për 7 vite pas ndryshimeve të fundit të Reformës në Drejtësi, ndërsa Arta Marku kalon automatikisht prokurore në Prokurorinë e Apelit ose Gjyqtare në Gjykatën e Apelit.
Me ligjin e ri kryeprokurori ka rol administrative dhe mund të përfaqësojë prokurorinë në gjykatën e lartë dhe atë kushtetuese.
LEXO: Bie Arta Marku, Olsian Çela zgjidhet kryeprokurori i ri i Shqipërisë