Në nëntë muajt e parë të këtij viti, 513 gra dhe vajza janë prekur nga kanceri i gjirit. Të dhënat i ka bërë me dije Ministrja e Shëndetësisë Ogerta Manastirliu teksa çeli fushatën ndërgjegjësuese ndaj kësaj sëmundje.

Përpos rasteve që janë në rritje, ajo tha se niveli i vdekshmërisë nuk ka njohur rritje, kjo për shkak të diagnostikimit në fazë të hershme të patologjise.

Manastriuliu: Shërbimi i mamografisë lëvizëse është në dispozicion të të gjitha atyre grave në ato qytete ku ende nuk kemi instaluar mamografinë.

Apelit të Ministres për ekzaminime, pasi është më mirë të parandalosh sesa të kurosh, i janë bashkuar edhe mjeket e shërbimit Onkologjit në QSUT.

Gjatë tetorit, që shënon muajin e ndërgjegjësimit ndaj kancerit të gjirit, gratë dhe vajzat në të gjithë vendin do të mund kryejnë ekzaminimet falas, mjekët do të punojnë me orë të zgjatura edhe gjatë orëve të pasdites.

/Ora News.tv/