Moment i sikletshëm! Gazetares i shpërthejnë pantallonat gjatë raportimit live

Një gazetare australiane e quajtur Charlotte Goodlet, ndërkohë që po raportonte për 10 News First, u përball me një të papritur, të cilën e përballoi me shumë profesionalizëm.

Gjatë raportimit asaj i kanë shpërthyer pantallonat duke hapur një vrimë në të pasmet e saj. Charlotte pasi përfundoi raportimin e saj, bëri një foto në fugonin e lajmeve dhe me mikrofon tregon vrimën që i është hapur tek pantallonat. Pjesën e shqepur të pantallonave ajo e kishte mbuluar me një emoji me fytyrë majmuni.

“Momentet pas transmetimit të drejtpërdrejtë. Edhe unë kam pasur lajmin tim më të ri”, ka shkruar ajo.

Momenti nuk u kap në kamerë  gjatë raportimit sepse Charlotte nuk u filmua nga pas. Kolegët e saj e vlerësuan atë për mënyrën sesi ajo e kishte menaxhuar situatën e sikletshme.

'Profesioniste e vërtetë', shkruante gazetarja Today Extra Davina Smith, e cila më parë punonte me Charlotte në Channel Nine.


EMISIONET