Lushnje, makina aksidenton 60-vjeçarin me biçikletë dhe përplaset me një objekt
Nga OraNews Përditësimi i fundit 29 Qershor 2020, 10:08
Një 60-vjeçar mbeti i plagosur paraditen e sotme në një aksident rrugor në hyrjen veriore të Lushnjes. I plagosuri po udhëtonte me biçikletë kur është përplasur nga një makinë tip "Skoda" me targa AA 178 YL.
Kjo e fundit më pas është përplasur me një godinë të hekurudhës.
60-vjeçari është transportuar me autoambulancë për mjekim në spital.
Policia në vendngjarje ka nisur hetimet për aksidentin.