Lamtumirë Rikard Ljarja!
Ngushëllimeve për ndarjen nga jeta të aktorit dhe regjisorit të njohur Rikard Ljarja i janë bashkuar edhe aktorët e teatrit "Migjeni" të Shkodrës, të cilët vetëm pak ditë më parë përcollën në banesën e fundit një tjetër kolloz të artit, Gëzim Krujën.
"Lamtumirë Rikard Ljarja!Shkodra, teatri "Migjeni" dhe mbarë komuniteti i artit në Shqipëri humbi një nga artistët më të spikatur të teatrit dhe të kinematografisë shqiptare.Qoftë i lehtë dheu për ju, Mjeshtër!l gjithë kolektivi i teatri "Migjeni" shpreh ngushëllimet e sinqerta për familjen Ljarja!Interpretimi i fundit i Rikard Ljarjës në skenën e teatrit "Migjeni". Respekt dhe mirënjohje për këtë artist të madh" thuhet në një postim në faqen zyrtare në facebook të Teatrit, duke e shoqëruar dhe një video të dramës "Shen Gjon kryepremi" ku Rikard Ljarja ka luajtur në Teatrin "Migjeni" në gusht të 2015.
Aktori dhe regjisori i njohur Rikard Ljarja mbylli sytë mbrëmjen e të hënës në moshën 77-vjeçare. Ljarja ndërroi jetë në banesën e tij në Tiranë, pasi vuante prej kohësh nga një sëmundje e rendë.
Rikard Ljarja ka luajtur shumë role, por më i spikatori është ai i Dedës tek filmi "Rrugë të Bardha".