Koret raciste ndaj mbrojtësit, Maradona mesazh Koulibaly
Seria A italiane ka kaluar ndoshta periudhën më të errët të saj.
Koret raciste ndaj Kalidou Koulibaly janë bërë kryefjalë e shumë mediave sportive, ku nuk kanë munguar dhe solidarizimet me mbrojtësin senegalez. Njëri prej tyre është edhe legjenda e Napolit, Diego Armando Maradona, i cili përmes rrjetit social "Instagram" dërgoi edhe një mesazh për Koulibaly.
"Kam luajtur për shtatë vjet me Napoli dhe unë gjithashtu jam përballur me këngë raciste nga disa tifozë. Mbaj mend ende banderolat që lexojnë: 'Mirësevini në Itali'. Tani ndihem edhe më napoletan dhe dëshiroj të jem pranë Koulibalisë. Shpresoj se ky incident mund të jetë një pikë kthese, për të eliminuar racizmin nga futbolli një herë e përgjithmonë ".-shkroi argjentinasi në Instagram.
Në Itali, këndimet dhe diskriminimet territoriale kundër napolitanëve ose atyre nga jugu i vendit trajtohen në të njëjtin nivel me abuzimin racist.