Kombëtarja "kryqëzon" gishtat, ja skenarët që e dërgojnë në Evropian

Kombëtarja "kryqëzon" gishtat, ja skenarët që e

Humbja ndaj Izraelit minimizoi në maksimum shanset e kombëtares shqiptare për të siguruar një vend në Evropianin e vitit 2020.

Gjithsesi fatet e kuqezinjve nuk janë shuar ende, pasi një kombinim i mban ende në lojë. Kombinimi, thuajse i pamundur mund të bëjë që Shqipëria të shpallet fituese e Grupit 1 të Ligës C dhe konkurrente për të shkuar në Evropian nëpërmjet play-off të marsit 2020.

Gjithçka do të vendoset në tre ditë dhe fatkeqësisht nuk është plotësisht në dorën tonë. Jemi në varësi të plotë të Skocisë dhe dy ndeshjeve të saj, të parën kundër nesh dhe të dytën kundër Izraelit. Ekziston vetëm një variant ku Shqipëria mund të kualifikohet si e para e grupit.Duhet që kuqezinjtë të fitojnë ndeshjen në Shkodër ndaj Skocisë me një diferencë prej katër e më shumë golash.

Vetëm në këtë mënyrë golavarazhi i kuqezinjve do të shkonte në plus një gol.

Ndërkohë, do të duhej që tre ditë më vonë, Skocia të tregonte egon e saj dhe të mundë Izraelin me 2 gola diferencë. Në këtë mënyrë, të tre skuadrat do të ishin me pikë të barabarta dhe në lojë do të hynte golavarazhi i përgjithshëm i grupit, me Shqipërinë që do ta kishte pozitiv, ndërsa i Izraelit do të ishte 0 dhe i Skocisë -1.

Futbolli është shpeshherë i çuditshëm, por ndoshta jo kaq shumë sa na duhet ne.

EMISIONET