Gjithkush frikësohet disi për të kaluar një rrugë të mbushur me makina. Por, disa njerëz në fshatin turistik të Dagomys në Soçi në bregun rus të Detit të Zi, nuk e dini se më e keqja po vinte pas kalimit të rrugës.

Një person mbeti i vrarë dhe disa të tjerë u plagosën të mërkurën, pasi një automjeti erdhi me shpejtësi dhe i goditi ata në trotuar.

Me sa duket, shoferi që shkaktoi përplasjen masive ishte i përgjumur, kur fluturoi me makinën e tij në trotuar, duke përplasur 6 njerëz, i tha një burim Interfax.

"Një person vdiq në vend, ndërsa të tjerët u shtruan në spital, duke përfshirë dy persona të vendosur në kujdesin intensiv", tha ai.

Policia ka konfirmuar incidentin, duke thënë se një 63 vjeçar u vra, ndërsa tre viktima të tjera u shtruan në spital.

Fshati Dagomys është një distrikt i Soçit, i vendosur 12 kilometra nga qendra e qytetit. Të shtunën, Soçi do të presë ndeshjen çerekfinale të Rusisë kundër Kroacisë në Kupën Botërore të FIFA-s.

/Ora News.tv/