Infermierja në Itali: Gjëja e parë që duhet të bëjmë është të mbrojmë veten, pastaj të sëmurët

Infermierja në Itali: Gjëja e parë që duhet të

Në një lidhje me Skype në TV Ora, infermierja Elona Gaxha nga Italia apeloi për qëndrim në shtëpi.

Ajo tha se në zonën, në qendër të Italisë, ku ajo ndodhej nuk kishte një fluks të madh të pacientëve sa në veri të vendit.

Elona Gaxha: Gjëja e parë që duhet të bëjmë është të mbrojmë veten dhe pastaj të mbrojmë të sëmurët. Apeli im është që të qëndroni në shtëpi sepse është e vetmja mënyrë që të na ndihmoni të përballemi me këtë virus. Aktualisht jam në repartin e reanimacionit. Për fat të mirë nuk kemi një fluks shumë të madh, janë marrë masat më shpejt se në veriun e Italisë. Këtu akoma është e përmbajtur. Kemi 8 persona ne reanimacion me Covid, nuk kemi një fluks të madh. Masat për kufizimin e lëvizjes po funksionojnë, pasi është vënë re një ulje e numrit të të infektuarave. 

Gaxha shpjegoi edhe pse nuk u morën masa qysh në fillim, duke thënë se autoritetet nuk e dinin se me çfarë kishin të bënin, kështu njerëzit nuk u bindën.

Elona Gaxha: Nuk u morën masa qysh në fillim sepse edhe autoritetet nuk e dinin se me çfarë kishin të bënin. Masat e para ishin jo aq drastike, ndërsa njerëzit nuk u bindën ne fillim duke mos i menduar dëmet që ka shkaktuar tani. Shteti italian u bëri këshillë që të qëndronin në shtëpi, por jo të gjithë i zbatuan këto këshilla, prandaj shteti mori masa drastike. 

EMISIONET