Guvernatori i Lombardisë, Attilio Fontana deklaroi ditën e sotme se niveli i të infektuarve nga COVID-19 nuk ka pasur rritje.

Gjithashtu ekspertët italianë mendojnë se ky nivel ka arritur pikun e saj dhe se nuk do të ketë më rritje drastike.

Ndërkohë qeveria po punon për miratimin e një dekreti për të ndihmuar bizneset për të luftuar pandeminë.

Këtë e bëri të ditur vetë kryeministri Conte pas një takimi me liderët opozitar ditën e sotme.

Ditën e djeshme Mbrojtja Civile vuri në dispozicion 600 mijë maska për stafin mjekësor, por në një raport i publikuar më vonë thuhet se ato nuk janë të autorizuara për tu përdorur për atë qëllim.

Prandaj Presidenti i Urdhrit të Mjekëve në Itali, Filippo Anelli vendosi që të pezullojë shpërndarjen dhe përdorimin e tyre.

/Ora News.tv/