Naftëtarët e Ballshit përshkallëzojnë grevën: Refuzojnë ujin dhe ndihmën mjekësore
Veç bukës vendosën të ndërpresin ujin dhe të refuzojnë ndihmën mjekësore. Naftëtarët e Ballshit çuan deri në ekstrem grevën për pagat e prapambetura dhe rinisjen e punës në uzinën e naftës.
Mjekët që u qëndrojnë pranë u kanë kërkuar të ndërpresin grevën, por kanë refuzuar.
Gjendja e rënduar shëndetësore detyroi një prej naftëtarëve të ndërpresë grevën, ndërsa u zëvendësua nga një tjetër koleg.
Dhjetë burrat thonë se janë gati të vdesin aty për bukën e fëmijëve.
"Kjo eshte kauza jonë dhe kthim prapa nuk ka"
Më e rënduar është gjendja e punonjësve të nënstacionit të Poçemit ku greva e urisë është në ditën e 7-të.
Disa prej tyre kanë pasur të domosdoshëm ndihmën mjekësore, por sërish janë kthyer në grevë.
Që në ditën e parë përsërisin se të gjallë i nxjerrin vetëm 27 pagat e prapambetura.
"Deri ne piken e fundit. Une pa bukë, edhe pse ika pa bukë do ngelen"
Dy kampet e grevistëve janë vizituar nga përfaqësues të avokatit të Popullit, por asnjë zyrtar tjetër i shtetit nuk u ka shkuar me marrëveshje për pagat.
Prej 5 muajsh në protesta dhe një jave në Grevë, punonjësit e Uzinës së ballshit kanë kërkuar ndërhyrjen e qeverisë për zgjidhjen e cështjes së pagave dhe rinisjes së punës, por sic thonë askush nuk është angazhuar.
Rafineria e naftës u mbyll pasi komapnia që e administton thotë se bankers Petrolium nuk e furnizon me naftë bruto