Gjermani: Përplasi për vdekje një grua teksa bënte gara, 22 vjeçari shqiptar dënohet me burg përjetë

Gjermani: Përplasi për vdekje një grua teksa bënte gara, 22

Një 22 vjeçar nga Kosova është dënuar me burg të përjetshëm pasi i mori jetën një gruaje teksa bënte gara në rrugët e Gjermanisë.

Gjykata e Landit në Kleve e konsideroi si vrasje humbjen e jetës së 43-vjeçares Sema, pasi makina e saj u përplas nga “Mercedezi” që drejtohej me shpejtësi tepër të lartë nga Kushtrim.H.

Ndërkohë personi tjetër që po garonte me 22-vjeçarin shqiptare, edhe ai vetëm 22-vjeç i quajtur Ismail.S, me shtetësi Gjermane mori një dënim prej 3 vite e 9 muaj heqje lirie, shkruan RTL.

Gara midis tyre u zhvillua në prillt të vitit 2019 në zonën e tyre të banimit, në Moers afër Duisburgut.  Gjermani drejtonte një makinë tip ‘Range Rover Sport’ me 550 kuaj fuqi ndërsa shqiptari nga Kosova një “Mercdez AMG E63 S me 612 kuaj fuqi.

Pas humbjes së kontrollit nga shpejtësia e lartë, makina e Kushtrim.H ka përplasur makinën e 43-vjeçares gjermane duke e lënë të vdekur.

Në sallën e gjyqit të dy të akuzuarit e kanë pranuar se po bënin gara por kjo nuk ka ndikuar në uljen e dënimit të tyre.

Në gjyq, shoferi i makinës, i cili nuk ishte përfshirë direkt në aksident, i ka kërkuar falje familjes së gruas së vrarë. Në një deklaratë të lexuar nga avokati i tij, ai thotë: “Më vjen së tepërmi keq për atë që ka ndodhur. Unë do të doja të zhbëhej kjo që ka ndodhur”.

EMISIONET