Gabon sërish John Travolta, i jep trofeun fitueses së gabuar
Pesë vite pasi prezantoi gabimisht Idina Menzel si Adele Dazeem në Oskar, John Travolta ka gabuar sërish në ndarjen e çmimeve në MTV VMAs.
Aktori i famshëm po prezantonte çmimin ‘Video e Vitit’ të hënën së bashku me Queen Latifah kur ngatërroi Jade Jolie me yllin e popit Taylor Swift.
Pasi Latifah njoftoi se Swift ishte fituesja e çmimit për këngën e saj You Need To Calm Down, 65-vjeçari i drejtoi trofeun Jolie.
Në momentin që e kuptoi se bëri gabim, Travolta vetëm preku shpatullat e Jade Jolie dhe priti Taylor të vinte në skenë.
Gjatë kësaj kohe, këngëtarja ishte ende në karrigen e saj duke përqafuar njerëzit rreth e rrotull që e uronin për fitoren.