Funeral në kohë koronavirusi
Italia është e gjitha zonë e kuqe dhe me dekret shumica e njerëzve janë mbyllur në shtëpi.
Masat drastike erdhën pas përhapjes me shpejtësi të koronavirusit. Numri i personave të infektuar ka kaluar 10 mijë, përfshirë viktimat dhe të shëruarit.
Masat kufizuese ndalojnë rreptësisht grumbullimet e njerëzve, qoftë edhe për funerale.
Siç mund të shikoni në fotot e siguruara nga Rtv Ora, kjo nuk është një ceremoni e zakonshme.
Shumë pak pjesëmarrës, vetëm rrethi i ngushtë familjar, në distancë nga njëri-tjetri nderojnë të afërmin e tyre që ka ndërruar jetë përpara se të prehet në banesën e fundit.
Madje arkivoli është vendosur në oborrin e një kompleksi kishash në Genova.