Fotografitë e dëshmorëve në Bulevard, Braçe: Heronjtë nuk i shpalli qeveria, por lufta

Fotografitë e dëshmorëve në Bulevard, Braçe:

Zëvendës kryeministri Erion Braçe u përfshi ashpër në debatin për fotografitë e heronjve të popullit në Bulevardin e Dëshmorëve në 75 vjetorin e Çlirimit.

Nga Elbasani, Ai kërkoi ti jepet fund kësaj lufte ndaj njerëzve që dhanë jetën për kombin.

Erion Braçe: “Heronj nuk i shpalla unë, nuk i shpalli as qeveria. Heronjtë i shpalli lufta. Një gjë ju kërkoj që ta ndalim këtu luftën kundër heronjve të kombit. Kush sulmon heronjtë e kombit, sulmon vetë kombin, sulmon historinë e tij, turp për jetë dhe atyre që sot e kësaj dite nuk heqin dorë nga mallkimi, fyerja, sharja dhe urrejtja për ata që dhanë jetën për lirinë e kombit.”

Duke iu përgjigjur gazetarëve, Brace pranoi se Shqipëria sot nuk është vërtete Ajo që dëshmorët e luftës projektuan.

Maxhorancës i njeh përgjegjësi kryesore për këtë gjendje, por nga ana tjetër, Braçe kërkon ti njihet edhe një meritë.

Erion Braçe: “Ajo është përgjegjësja kryesore për atë që ndodh në këtë vend nga momenti kur është në pushtet por duhet t’i njihni kësaj mazhorance meritën e madhe të pastrimit të një sistemi kriminal drejtësie.”

Por veç debatit për fotografitë e heronjve të popullit në Bulevard, në  kremtimet e 75 vjetorit të Çlirimit nuk po mungojnë as simbolikat e përkujtimit të Partisë Komuniste.



EMISIONET