Elis Bakaj nuk di të ndalet, tjetër gol me Shakhtyor
Elis Bakaj vazhdon të shkëlqejë te Shakhtyor Soligorsk.
Sulmuesi shqiptar ishte autor i një goli, në fitoren që skuadra e tij arriti 2-1 ndaj Vitebsk. Rybak kaloi vendasit në avantazh, ndërsa 31 vjeçari thelloi rezultatin vetëm 3 minuta pas rikthimit në fushë, duke "hipotekuar" në një farë mënyrë 3 pikëshin e radhës për skuadrën e tij, e cila pretendon një vend në Kupat e Evropës.
Ky është goli i 10-të që Bakaj shënon me fanellën e Shakhtyor në 28 ndeshje.
Shakhtyor ndodhet në një pozicion të tillë, pasi ndodhet në vendin e dytë me 54 pikë, një më shumë se kundërshtari i sotëm Vitebsk dhe katër nga Dinamo Minsk, e cila ka një takim më pak.