Elektricisti i "zhytur" në dëborë duke riparuar defektet në Librazhd

Elektricisti i "zhytur" në dëborë duke riparuar

Megjithëse në pjesën më të madhe të vendit, situata e furnizimit me energji është stabilizuar, shqetësim për OSHEE vijon të mbeten fshatrat e thellë të Librazhdit.

 "Këto zona shtrihen në terrene të vështira, malore dhe larg qendrës. Rrugët janë të pakalueshme, megjithatë OSHEE ka dërguar elektricistët me këmbë drejt zonave si Stebleva, Qarrisht, Kostenje, etj., rrjeti elektrik i të cilave, me gjatësi prej 60 km, është dëmtuar prej dëborës, me përcjellësa të këputur, traversa të thyer dhe shtylla të rënë", thuhet në njoftim.

Brigadat e OSHEE janë terren dhe pritet përmirësim i situatës për 250 abonentët (nga 4500 që kanë këto fshatra.

Prej disa ditësh, vendi është përfshirë nga moti i keq me reshje dëbore, duke atakuar nyjet kritike të rrjetit, kryesisht atë rural të thellë.

Përmes 1700 punonjësve në gatishmëri, arritëm në 24 orët e fundit të përmirësojmë situatën e furnizimit me 75%, duke rikthyer energjinë elektrike për 16574 abonentë në rang vendi, kryesisht rural.

EMISIONET