Ekspertët e vlerësojnë nismën e qeverisë për faturat elektronike të biznesve por i bëjnë apel qeverisë që të kompensojë bizneset për këtë kosto me rishikim të taksave. Sotiraq Dhamo ekspert Kontabilit thekson se sfidë do të jetë edhe përshtatja e bizneseve me programin e ri.

Sipas Dhamos me përparësi në të gjithë këtë nismë qeveria duhet që të ketë parasysh sidomos bizneset e vogla.

"Ulje tatimesh ose mbështetje me grupe të caktuara të biznesit. Të balancohet. Të mendohet sidomos për bizneset e vogla, sepse kjo patjetër do të sjellë rritjen e Tatimit mbi Vlerën e Shtuar . Ata e konsiderojnë kosto dhe duhet të shoqërohet me politika të tjera."

Sipas Dhamos edhe nënshkrimi elektronik është pozitiv por kërkon që të njihet nga të gjitha institucionet

"Mund të gjinden politika të tilla të cilat prë biznese të vogla të rimbursohen, sic u bë kur u vendosën kasat fiskale"

Sistemi i ri i fiskalizimit që pritet të zbatohet në Shqipëri është i përdorur sidomos në vendet që kanë probleme me mbledhjen e të ardhurave dhe ka rezultuar pozitiv.

/Ora News.tv/