Dy të rinjtë lidhen falë "Google translate"

Dy të rinj përfunduan të lidhur midis tyre, pavarësisht se nuk e kuptonin gjuhën e njëri-tjetrit, por përdorën "google translate" në internet.

Chloe Smith, 23 vjeç, nga Wolverhampton në Britani dhe Daniele Marisco, 25 vjeç, nga Napoli në Itali, u takuan për herë të parë në një klub nate në Ibiza dy vjet më parë.

Jo vetëm mezi e dëgjonin njëri-tjetrin për shkak të muzikës së lartë, por ata nuk flisnin asnjë fjalë në të njëjtën gjuhë.

Pasi ranë në dashuri me shikim të parë, ata shpejt kuptuan se mund të komunikonin përmes "Google Translate" dhe videos me titra.

Tani që jetojnë së bashku në Streatham në jug të Londrës - ku Chloe është një artist kozmetike dhe Daniele një bariste në një restorant italian - ata kanë mësuar të flasin si italishten ashtu edhe anglishten për të siguruar që marrëdhënia e tyre të zgjasë. Çifti e përmirësoi aftësinë e tyre gjuhësore thjesht duke folur me njëri-tjetrin dhe nuk kishte nevojë të merrte ndonjë mësim shtesë.


EMISIONET