Bypass-i i Fierit, banorët: Automjetet qarkullojnë me shpejtësi, janë bërë aksidente
Banorët e fshatrave përgjatë Bypass-it të Fierit ankohen për mbikalimet të cilat nuk kanë përfunduar ende. Ata detyrohen ta përshkojnë çdo ditë këtë rrugë duke rrezikuar jetën.
Hapja e një korsie të vetme pa përfunduar i gjithë projekti ka sjellë shumë problematika dhe aksidente në bypass-in e Fierit.
Në mungesë të mbikalimeve të cilat nuk kanë përfunduar ende, banorët e fshatrave përgjatë Bypassit detyrohen të kalojnë mes për mes rrugën duke rrezikuar edhe jetën.
"Janë bërë 7-8 aksidente"
Këtë rrugë e përshkojnë çdo ditë, pasi është e vetmja që lidh shtëpitë me tokat e tyre bujqësore.
Ata janë dëshmitarë të shumë aksidenteve me pasojë jetën ndërsa thonë se u duhet të tregohen shumë të kujdesshëm pasi automjetet qarkullojnë me shpejtësi të lartë.
"Jemi vetë të kujdesshëm"
Rruga e papërfunduar dhe në disa segmente pa sinjalistikë përbën problem edhe për drejtuesit e mjeteve.
"Është shumë problem, sidomos për moshat e vjetra"
Përgjatë të gjithë Bypassit janë 7 rrugë provizore të cilat bëjnë lidhjen e Bypassit me fshatrat që ndodhet përgjatë tij. Me një gjatësi prej 22 km, rruga ka ulur ndjeshëm qarkullimin e automjeteve drejt jugut të vendit por hapja e saj ende pa përfunduar punimet ka shkaktuar shumë aksidente.