Asani "zbulon" pengun: Titulli ende në dyshim
Golashënuesi më i mirë i Partizanit, Jasir Asani u shfaq në krah të teknikut, Skënder Gega në konferencën për shtyp në prag të ndeshjes me Kastriotin. Në fjalën e tij, Asani foli për objektivat, pengun e këtij sezoni, si dhe të ardhmen tek të kuqtë.
Sa e vështirë është ndeshja me Kastriotin?
"Normal është ndeshje e vështirë për ne. Jo vetëm nesër, por edhe 7 javët në vijim. Do të japim maksimumin. Është fushë e keqe por jemi përgatitur për atë fushë."
Diferencë e madhe me Kukësin…
"Nëse fitojmë do të jetë mirë për ne. Besoj se gjërat do të shkojnë siç duhet."
E keni peng Kupën?
"Normal sepse e kishim objektiv edhe Kupën edhe kampionatin. Edhe ne jemi lojtarë që do të kemi ditë të zeza. Tani jemi fokusuar vetëm për kampionatin."
Po e mendoni të ardhmen?
"Tani për tani mendoj vetëm për Partizanin."
Sa përqind ndiheni kampion?
"Kemi edhe 7 ndeshje të tjera, të shohim."
Jeni shënuesi më i mirë i Partzanit…
"Nuk është vetëm merita ime, por të gjithë që më kanë dhënë përkrahjen."
Kampion me Vardarin, është ky sezoni më i mirë i juaji?
"Besoj se po sepse kemi ekipin më të mirë. Momenti është i duhur tani."-përfundoi mesfushori maqedonas.