Apeli i Sorecës: Koha për kompromis, qeveria dhe opozita të takohen

Apeli i Sorecës: Koha për kompromis, qeveria dhe opozita të

Bashkimi Europian kërkon kompromis mes mazhorancës dhe opozitës për zgjidhjen e krizës politike ndërkohë që po afron data e vendimmarrjes së unionit në lidhje me negociatat e anëtarësimit me Shqipërinë.

Kreu i Delegacionit të BE në Tiranë, Luigi Soreca u shpreh optimist se pika e përbashkët e takimit me palëve politike ekziston.

Soreca: Ne kemi qenë të parët që prej shkurtit 2016 që kemi bërë thirrje për dialog. Vazhdojmë të bëjmë këtë gjë në çdo moment dhe në çdo takim. Tani ka ardhur koha për kompromis. Kompromisi do të thotë që qeveria dhe opozitë takohen në mesin e urës. Unë mendoj se ura ekziston thjesht duhet gjendur.

Ambasadori i BE tregoi se gjatë takimit me mazhorancën, shefja e ONM ka kërkuar që qeveria të ndërmarrë disa vendime në lidhje me procesin zgjedhor, siç janë masat kundër shit-blerjes së votës.

Soreca: Reforma elektorale mund të bëhet me ndryshime ligjore, por ka disa çështje që qeveria mund të marrë masa pa opozitën siç është shit-blerja e votës. Edhe kjo është një çështje që e ka kërkuar vetë  opozita.

Soreca foli edhe për zgjedhjen e prokrurorit të përgjithshëm.

Soreca: Është shumë e hershme të flasim për këtë çështje. KLP po merret me këtë çështje dhe afatet kohore janë të gjata, që do të thotë që nuk do të jemi në kohë për takimet që do të ketë Këshilli i BE në qershor prandaj është e përkohshme të flasim për këtë gjë.

Deklaratat shefi i zyrës së BE-së në Tiranë i dha pas takimit që zhvilloi në zyrat e ILDKPI-së për nisjen e një sistemi të ri pilot elektronik për deklarimin e të ardhurave për rreth 3 mijë nëpunës civil. Kjo nisëm, e mbështetur nga BE, USAID dhe Këshilli i Evropës vjen në kuadër të luftës kundër korrupsionit si një nga kërkesat për procesin e integrimit të Shqipërisë.

EMISIONET