Këngëtari i famshëm italian, Andrea Bocelli pranoi këtë të martë se ka qenë i infektuar nga COVID-19.

Përmes një postimi në Facebook ai shkruan se tashmë është në gjendje të mirë shëndetësore dhe është shëruar plotësisht.

Bocelli nuk e ka bërë publike më parë këtë gjë pasi nuk donte që të përhapte panik tek ndjekësit e tij.

Tashmë këngëtari është bërë pjesë e donatorëve të gjakut për të gjetur një vaksinë anticovid.

Gjatë kohës që Italia ndodhej në izolim total, Bocelli organizoi një koncert për fansat e tij nga sheshi i katedrales Duomo në Itali.

I gjithë koncerti u transmetua live në rrjete sociale dhe në televizion.

/Ora News.tv/