Alesio dhe Aureli u rikthehen bankave, Rama i shoqëron në ditën e parë të shkollës

Kryeministri mban premtimin e dhënë ndaj dy vogëlushëve, Alesios dhe Aurelit.

Këtë të hënë, siç edhe kishte deklaruar, ai i mori me makinë dy djemtë për ti  shoqëruar në ditën e tyre të parë të shkollës, që pas ndërprerjes nga tërmeti i 26 nëntorit.

"Duhet të jeni kampion në mësime", i porositi Rama ndërsa udhëtonin me mjet.

Më pas ai i pyeti nëse i kishin çantat në rregull.

Dy djemtë do të studiojnë në shkollën 9-vjeçare  "Ahmet Zogu" në Kamëz.

Ata u pritën në oborr nga drejtori i shkollës. Rama shoqërohej  dhe nga kryebashkiaku i Kamzës, Rakip Suli.

Aureli  është në klasën e parë dhe mirëseardhjen mësuesi së bashku me shokët dhe shoqet e reja të klasës ja uruan me uniformën e shkollës dhe një top futbolli.

"Do na nderosh" tha Rama.

Më pas kryeministri e dorëzoi Alesion në klasën e pestë.

Edhe për Alesion ishte rezervuar një top futbolli së bashku uniformën e shkollës.

"King, 10 dhe ndonjë 9, 8 e ndaluar," e porositi Rama.

Të dy djemtë vinë nga Thumana. Pavarësisht humbjeve tragjike që patën në familjet e tyre, fati ishte me ta duke i shpëtuar mrekullisht tragjedisë së 26 nëntorit.

EMISIONET