Zgjohet nga koma dhe nuk mban mend asgjë

Një vajzë që do bëhej nuse, zgjohet nga koma dhe nuk mban mend asgjë nga jeta e saj, si pasojë e një infeksioni në tru.

Fran Geall, 25 vjeç, u ndie si "një person krejtësisht tjetër", e paaftë të njohë miqtë dhe familjen e saj, si pasojë e një infeksioni të trurit.

Biologia detare nga Falmouth, Cornwall, gjithashtu ka humbur të gjitha kujtimet e diplomave të saj universitare të cilat i kushtuan asaj një total prej 50,000 paund.

Fran tha për Plymouth Live se ajo nuk mund të njohë më mbesën e saj ose familjen e të fejuarit të saj, 29-vjeçarit Stacey Tonkins.

Ajo tha: "Me njerëzit që kam njohur për vite, mund të duket sikur i takoj për herë të parë, gjë që është vërtet e trishtueshme.

"Unë gjithashtu ndjehem sikur takoj veten për herë të parë, sepse unë nuk kam asnjë ide se kush jam unë para se gjithçka të ndodhte".

Në mars të këtij viti, Fran filloi të vuante nga migrena e tmerrshme që e la në shtrat të shtrirë.

Një mëngjes ajo filloi të kishte një krizë në shtrat dhe Stacey duhej të thërriste një ambulancë për ta çuar atë në Spitalin Ashford, Kent, ku ajo ra në koma.

Kur ajo u zgjua një javë më vonë, ajo nuk ishte në gjendje të ecë, të lexonte ose të fliste dhe nuk mund të mbante mend shumë nga jeta e saj e kaluar.

Encefalit është një gjendje auto-imune që bën që qelizat e bardha të gjakut të trupit të sulmojnë qelizat e trurit, duke dëmtuar funksionet e kujtesës.

Para se të sëmurej, Fran kishte përfunduar një diplomë universitare në biologji detare, si dhe një Master të Shkencave në bujqësi.

Ajo tani është duke u përpjekur të rikujtojë përmbajtjen e diplomave të saj, por ajo duhet të jetë e kujdesshme që të mos e sforcojë mendjen e saj, përndryshe rrezikon një krizë tjetër.

Fran tha: "Të bësh gjëra më të thjeshta, si përdorimi i një kompjuteri apo të kërkosh një supermarket, tani janë bërë shumë të vështira.

"Por ajo që më lëndon më shumë, është se intelekti im, i cili ishte si superfuqia ime, tani është zhdukur, dhe të gjitha vitet që kam kaluar në të mësuarit e fakteve dhe të mësuarit për botën natyrore janë shuar si shkumës në një dërrasë."

Fran arriti punën e saj të ëndrrave në janar si një menaxhere e zhvillimit të biznesit për një kompani Whitstable, Kent.

Ajo u fejua me mësuesin Stacey në vitin 2015.

Ajo tha: "Kur Stacey dhe familja ime më vizituan në spital, e kam kuptuar instinktivisht se ata janë njerëz që i kam dashur, por nuk kam mundur të kujtoj asgjë për to, përveç detajeve shumë minimale dhe themelore.

"Unë nuk mund të flas, unë nuk mund të eci dhe unë nuk kisha asnjë ide kush ishin ata rreth meje apo çfarë kishte ndodhur me mua."

Gjendja e Franit u përmirësua gradualisht kur iu dha një shkëmbim plazme 10 ditë pas krizës fillestare, e cili zëvendësoi qelizat e bardha të gjakut që kishin sulmuar trurin e saj.

Ajo më pas ishte në gjendje të fliste dhe të  shkruante dhe ka nisur një ditar të përditshëm, megjithëse nuk e ka ndihmuar për ta zhvilluar kujtesën e saj.

Ajo tha: "Mjekët nuk kanë asnjë ide nëse unë do të rifitoj kujtesën time, kështu që unë jam duke jetuar me perspektivën se duhet të mësoj gjithçka që kam njohur dikur".

Pasi doli nga spitali pas pesë javësh, ajo u kthye në punë, por nuk ishte në gjendje të vazhdonte.


EMISIONET